Earth 2022 gisaulog sa CDO

HUGOT nga gisuportahan sa Konseho sa Dakbayan ubos ni Bise Mayor Kikang Uy ang pagsaulog karong adlawa sa Earth Day 2022.

Ang kasaulogan nga nagdala sa temang “Invest in Our Planet” gisubhan pinaagi sa usa ka programa pahaum sa kasaulogan sa pagpasiugda sa Human Resource Management Department (HRMD) ug City Local Environment and Natural Resources Office (CLENRO).

Niini, gipahigayon ang pagpananom og mga kahoy didto sa Engineered Sanitary Landfill Buffer Zone sa barangay Pagalungan sa pagpasiugda sa CLENRO ug gisalmotan sa mga volunteers gikan sa PNP-COCPO, USTP Senior High School Government Council, Alpha Omega Beta Fraternity and Sorority Phils, ITAL PINAS Development Corp.

Lakip sa nahan-ay nga kalihokan pahaum sa kasaulogan mao ang pagtunol sa Material Recovery Facility (MRF) alang sa barangay Pagatpat gikan sa Cagayan de Oro Water District karong hapon.

Dako ang pasalamat ni Bise Mayor Kikang Uy sa tanang misalmot sa kalihokan nga gilantawng makatabang dinha sa pagproteher sa kinaiyahan ingon man sa pag-abag sa Water District aron makaangkon ang mga barangay sa syudad sa gikinahanglang MRF alang sa malampusong pagpatuman sa balaod sa solidwaste management.