top of page

DENR-10 miaksyon sa lakang sa konseho Pito ka loteng gipanag-iyahan sa CDO gipaabot matitulohan

DALING giaksyonan sa rehiyonal nga buhatan sa Department of Environment and Natural Resources (DENR-10) ang Ordinansa nga gipalabang sa Konseho sa dakbayan sa Cagayan de Oro nga naninguhang matitulohan ang pipila ka mga loteng gipanag-iyahan sa syudad.

Sa nadawat nga taho sa buhatan ni Bise Mayor Kikang Uy, gitahasan sa DENR ang PENR officer dinha sa Malasag, Cugman ug CENR officer sa Jampason, Initao paghimo sa gikinahanglang aksyon sa maong lakang sa konseho nunot sa balaod, patakaran ug mga giyang gipatuman alang sa maong katuyuan.

Mahinumduman nga ang Konseho mipalabang sa Ordinance No. 14216-2022 nga naghatag og katungod ni Mayor Oscar Moreno pagpasaka og aplikasyon alang sa pag-isyu og Special Patents sa ngalan sa dakbayan alang sa pito ka mga loteng gipanag-iyahan sa kagamhanan sa dakbayan.

Mapasalamaton si Bise Mayor Kikang Uy sa daling aksyon sa kadagkoan sa DENR-10 aron matuman na ang tinguha sa kagamhanan nga matitulohan ang mga loteng gipanag-iyahan.


コメント


bottom of page