CAFAMCO giakredit isip sakop sa LSB

PABORABLENG gi-akredit sa konseho sa syudad sa sesyon niadtong Lunes nga gidumala ni bise mayor Kikang Uy ang Canitaon Farmers Multi-Purpose Cooperative (CAFAMC isip sakop sa Local Special Bodies.

Kini subay sa DILG Memorandum Circular No. 2019-72 ug Article 64, Rule XIII sa Local Government Code.

Nasayran nga giduso ni Ramir Balquin sa City Planning and Development Office ngadto sa konseho ang aplikasyon sa maong kapunungan human kini nakakompleto sa mga gikinahanglang administrative requirements.

Isip membro sa LSB, ang kapunungan mahimong makapangayo og pundo sa kagamhanan ug ubang ahensya sa gobyerno aron magamit sa pagpatuman sa ilang mga proyekto.

Nunot niini, ang konseho misagop og resolusyon alang sa maong katuyoan nga gipaluyohan sa komite sa Agriculture ni Konsehal Jay Pascual ug komite sa planning, research and innovation ingon man komite sa pamalaod ug reglamento ubos ni Konsehal Ian Mark Nacaya.