Cabanlas gitinguha nga tanan benepisiaryo maka-angkon sa titulo

Nagpadayon ang programa sa local nga kagamhanan sa pagpang apod-apod sa mga titulo sa lote ngadto sa mga kwalipikado nga benepisaryo.

Mao kini ang gipadayag ni Konsehal Edgar Cabanlas, chairman sa komite sa urban/rural poor and housing development diin mokabat sa 29 ka individual ang nakadawat sa maong titulo ubos sa CDORSHP program diha sa barangay Balubal ning syudad.

Matod sa konsehal nga dili angay mabalaka ang katawhan kay magpadayon ang paningkamot sa gobyerno local sa pagpatitulo lote taliwala sa nasinateng pandemia.

Gani, matud ni Cabanlas nga daghan na sa mga kabus nga benepisaryo ang nakapahimulos ug natunulan sa maong titulo kay usa man kini sa prioridad nga programa sa goberno.

Ang nasangpit nga kalihukan gipahigayon diha sa hawanan sa konseho nga gipangunahan ni Bise Mayor Kikang Uy uban sa mga sakop sa konseho sa syudad.