Annual Budget sa SK sa Brgy.17 gioyunan sa Konseho

NAGPADAYON ang Konseho sa Syudad ubos ni Bise Mayor Bebot Rodriguez sa pagsuporta sa mga  programa sa Sangguniang Kabataan sa Barangay 17.

Sa sesyon sa konseho niadtong Lunes, hiniusang giaprobahan ang resolusyon nga gipalabang sa Sangguniang Kabataan sa Barangay 17 nga may kalabotan sa ilang 2025 Annual Budget nga mokabat sa P562,636.00 gikan sa Enero ngadto sa Disyembre alang sa hingpit  nga implementasyon.

Tipik sa  ilang gipundohan ug gigahinan mao ang programa  sa panglawas (health services/ adolescent sexual and reproductive health) programa alang sa edukasyon  (equitable access to quality education), economic empowerment (youth employment and livelihood), Social Inclusion and equity (Gender Sensitivity), Governance (Capability Building and Leadership), Active Citizenship (Capability Building and Leadership) ug Environment (Environmental Protection /Climate Change adaption/DRRR).

Si Konsehal Sacala hugot nga misuporta sa pagpalabang sa maong lakang  tungod kay dako kini og ikatabang  alang sa kaarangan sa kinabuhi sa kabatan-onan sa maong barangay.

Ang resolusyon nga gipalabang sa konseho alang sa maong katuyoan gipaluyohan sa komite sa youth and sports development ug komite sa pamalaod ug reglamento ubos ni Konsehal Edgar Cabanlas. (JRGalano/SP)