Abaday uyon patas-an ang multa sa maglabay sa basura sa publikong dapit

SUPORTADO ni Konsehal Roger Abaday, chairman sa komite sa public order and safety, ang sugyot nga patas-an ang multa niadtong masapon nga maglabay sa basura sa mga pang-publikong dapit.

Kini subay sa gipadangat nga special report ni Konsehal Edgar Cabanlas atol sa sesyon nga gidumala ni Bise Mayor Bebot Rodriguez kabahin sa sugyot nga amendahan ang Ecological Solid Waste Management Ordinance.

Sumala ni Abaday nga anaa kitay balaod apan ang problema kulang ang pag-implementar busa kinahanglan na ang estriktong pagpatuman niini aron  adunay  ngipon ang maong balaod ug dili mahimong peligro ang dakbayan pag-abot sa panahon.

Niini suportado ni Konsehal Roger Abaday ang nasangpit nga sugyot sa tinguha nga masulbad ang nagpabiling problema sa basura sa syudad. (MLR/SP)