top of page

Abaday naninguha masolusyonan problema sa trapiko sa syudad

Abaday naninguha masolusyonan problema sa trapiko sa syudad.


SI Konsehal Roger Abaday, Chairman sa Komite sa Environment, naninguha nga masolusyonan ang problema sa trapiko sa sentrong bahin sa dakbayan. Kini ang unod sa iyang special report atol sa sesyon sa konseho niadtong Lunes nga gidumala ni Bise Mayor Bebot Rodriguez.


Photos by Metro Cagayan de Oro
Photos by Metro Cagayan de Oro

Sumala ni Abaday, nga taliwala sa paningkamot sa Mayor nga masulbad ang problema sa dagan sa trapiko, mikuha kini ug mga eksperto nga makatabang dinha sa pagpanday sa mga giya ug palisiya nga mapagaan ang problema sa trapiko.


Iyang nakita nga hinungdan sa kapiot sa dagan sa trapiko mao ang pagdaghan sa mga sakyanan apan ang mga dalan wala mausab, kakulangon sa disiplina sa mga tawo sa pagtamod sa lagda sa trapiko sama sa pagsubay sa pedestrian lane ug overpass, ug pagparada sa mga sakyanan sa bisan asang dapit sa kadalanan.


Councilor Roger G. Abaday Chairperson Committee on Environment

Niini, gisugyot sa konsehal nga ipatuman sa hingpit ang ordinansa nga naghan-ay sa balaod sa trapiko sama sa jaywalking ug pay parking sa mga designated areas.  Iya usab gipanawagan ang kadagkoan ug mga kawani sa Roads and Traffic Administration (RTA) pagpadala sa rekomendasyon alang sa omento sa multa sa kalapasan sa mga balaod sa trapiko.


Ang sugyot ni Abaday giduso ni Bise Mayor Bebot Rodriguez ngadto sa Komite sa Public Utilities ni Konsehal Romeo Calizo alang sa pagtuon ug rekomendasyon.

Comentários


bottom of page