Abaday misugyot nga tun-an pagbalik sa Sharing Law sa RTA

GISUGYOT ni Konsehal Roger Abaday, chairman sa komite public order and safety, nga tun-an una ang sugyot nga ibalik sa sharing law sa mga kawani sa Roads and Traffic Administration (RTA).

Kini ang reaksyon ni Abaday sa sugyot ni Atty. Egay Uy, chairman sa Regulatory and Compliance Board (RCB), atol sa tigom sa komite sa public utlities niadtong milabay’ng adlaw sa hawanan sa konseho.

Sumala ni Konsehal Abaday nga gihunong ang maong sharing law gumikan sa isyu nga na-abusohan kini sa pipila ka mga sakop sa Roads and Traffic Adminstration tungod sa gitawag nila nga quota system ug nakadaot sa imahe sa RTA.

Gani bisan sa gamay nga sayop dili na kini makahatag sa konsiderasyon ngadto sa mga driver, sumpay sa konsehal.

Busa angayan nga matun-an kini pag-ayo ayha ipatuman sa hingpit ang maong sugyot, matod ni Konsehal Abaday. (MLR/SP)