Water District gipasumete sa listahan sa gipundohang water system projects


Padayon ang konseho sa syudad ubos ni bise mayor Kikang Uy nga naninguhang mapaabot sa tibouk dakbayan ang insaktong sistema sa panubig.


Sa sesyon niadtong Lunes, ang konseho mipasaka sa Resolosyon No. 13286-2019 nga nanawagan sa Cagayan de Oro Water District (COWD) pagsumete sa listahan sa mga proyekto nga gipundohan ubos sa Special Fund nga gitagana sa COWD Board.


Kini human si konsehal Edna Dahino, chairman sa komite sa panalapi, sa sesyon niadtong Lunes, namahayag nga adunay P6 milyones nga gitagana matag tuig ang Water District aron magamit nga pundo sa pagpatuman sa lain laing water system projects o’ water services improvement projects sa kagamhanan sa dakbayan.


Angayang mahibaloan sa konseho kun unsa ang mga proyektong nadapatan sa maong pundo aron masuta ang mga dapit nga nagkinahanglan og linya sa panubig ug walay Kagay-anon nga mapihig sa gikinahanglang tubig, pasabot ni Dahino. (SP)