Dugang kaarangan sa natad sa edukasyon gilantaw

Dako ang paglaum ni bise mayor Kikang Uy nga makatabang sa kabataan ang pagatukurong covered court diha sa Cagayan de Oro City High School sa barangay Nazareth.

Kini human ipahigayon karong alas 9 sa buntag dinha sa tunghaan ang groundbreaking ceremony sa proyektong covered court sa tunghaan.

Usa kini sa mga dugang kaarangan sa natad sa edukasyon nga gipatuman sa kasamtangang administration ni mayor Oscar Moreno sa tinguha nga madawat gayud sa kabataan ang de kalidad nga edukasyon, pamahayag sa bise mayor.

Layo na ang atong naabot pinaagi sa panaghiusa sa ehekutibo ug sa konseho dinha sa pagpatuman sa mga proyekto nga magdala og kaarangan sa edukasyon sa kabataan dinhi sa dakbayan. Una niini mao ang pagbalhin sa City High School dinha sa luag nga luna sa barangay Nazareth ug ang pagtukod sa 80 ka lawak saringan nga upat ka andanang edifisyo, panapos ni bise mayor Kikang Uy.