Pag-amendar sa Billboard Ordinance sa CdeO tun-an sa ways and means

Tun-an sa komite sa ways & means ni konsehal George Goking ang sugyot pagpanas sa Ordinance No. 6390-98 nga nag-regulate sa pagtukod, pagtul-id, pag-instalar ug pagmintinar sa mga outdoor advertising materials.

Tumong sa maong lakang nga mahatagan sa kapaseguroan ang kinabuhi ug kabtangan pinaagi sa pagbutang sa tanang mga signs ug sign structures nga haum ug angayan sa ilang pwesto, design ug kadagkuon sa ilang gitukoran.

Lakip sa sugyot mao ang paggamit sa kalidad nga mga materyales sa mga straktura ug pagmintinar niini.

Kini naglambigit sa mga advertising propaganda sa ilang mga design, location, site plan, construction, repair, removal, dismantling ug maintenance sa tanang signs ug sign structure nga gitumong alang sa advertisement ug uban pang kagamitan.

Tumong sa maong pag-amendar nga maton-an pag-usab ang bag-o ug angayan nga ordinansa karong panahona. (APD)