Salcedo mipaabot sa mainitong pahalipay sa tanang migradwar

Si konsehal Enrico Salcedo, chairman sa komite sa kooperatiba, mainitong mipaabot sa iyang maiinitong pagpahalipay sa tanang mga tinun-an nga migradwar gikan sa kindergarten, elementarya, sekondarya ingon man sa mga nakatapos sa kolehiyo.

Matod ni Salcedo nga dili sayun ang sakripisyo sa mga tinun-an ilabina sa mga ginikanan nga mao gayud ang instrumento ug tulay sa nakab-ot niining kalampusan sa ilang mga kabataan taliwala sa kalisod nga ilang gisagubang.

Gipasabot sa konsehal nga importante kaayo ang papel sa kabataan dinha sa komunidad maong mahinungdanon kaayo nga aduna silay igong edukasyon alang sa mahayag nga ugma ilabina nga sila ang sunod nga henerasyon nga mangulo sa atong nasod.

Kinasingkasing kong ipaabot ang akong pagpahalipay kaninyong tanan nga migradwar, dili tiaw ang inyong nasinati apan ang tanan adunay bugti nga kaayuhan sa inyung tagsa tagsa ka kinabuhi ug ako nanghinaut nga padayun kamong maningkamot alang sa inyong mahayag nga kaugmaon sa umaabot nga panahon, pamahayag ni konsehal Salcedo. (Yonggals)