Lao motuki sa isyung pagtaktak sa General Manager sa COWD

Dili igo ang “lost of trust and confidence” nga rason aron tangtangon ang usa ka general manager sa iyang katungdanan.


Kini ang reaksyon ni konsehal Teodulfo Lao Jr. sa special report ni konsehal Enrico Salcedo kalabot sa isyu nga pagtangtang ni Engr. Rachel Beja isip General Manager sa Cagayan de Oro Water District (COWD).


Sa sesyon sa konseho niadtong Lunes nga gidumala ni bise mayor Kikang Uy, si Lao mipadayag nga gawas kun addict ang manager kana adunay rason ang Board of Director sa ilang pagtangtang kang Beja.


Dugang niya nga kun walay dautan nga nahimo ang manager. Gani, makaayo sa katawhan ang paningkamot ni Beja pagsuta sa kontrata tali sa COWD ug Metro Pacific Water Investment Corporation nga ubos karon sa imbestigasyon sa Philippine Competition Commission.

Gikasubo sa konsehal ang nasangpit nga panghitabo sa Water District nga kun dili mapangitaan og kasulbaran hayan makaapektar sa ilang pagserbisyo sa katawhan.

Naglaum si Lao nga makigtambayayong sa konseho si Engr. Beja aron masugdan sa iyang komite ang imbestigasyon in aid oflegislation sa maong isyu. (El Kapitan)