Hangyo sa Cyclone Transport konsiderahon sa Public U

Konsiderahon sa komite sa public utilities ni konsehal Teodulfo Lao Jr. ang sulat nga gipaabot sa Cyclone Transport Corporation, usa ka service transport provider nga nakabasi sa Katipunan, Villanueva, Misamis Oriental.

Sa ilang sulat ngadto sa komite ni Lao, si Hilario Cabading, presidente ug general manager sa kompanya mibutyag nga mauy ilang gisilbihan ang mga kompanya nga nahimutang sa Misamis Oriental pinaagi sa paghatod sa mga empleyado gikan sa Divisoria paingon sa mga Plant Site ug balik sa Divisoria.

Matod pa nga kapin na sa 17 ka tuig sila nga nagserbisyo sa ilang mga kliyente ug gani maayo kaayo ang ilang perforamance ug walay dautang recordks nga naglambigit sa ilang mga personahe panahon sa ilang trabaho.

Niini, sila mihangyo sa komite nga mga indorsar ug masuportahan ang ilang aplikasyon alang sa renewal sa ilang frangkisa ngadto sa Land Transportation Franchising and Regulatory Board (LTFRB). (Yonggals)