Kon. Lao mihangyo mga sakop sa GSIS sa CdeO maka-avail sa Calamity Loan



Si konsehal Teodulfo Lao Jr., chairman sa komite sa energy, mipadayag sa iyang kahingawa sa mga taho nga hangtod sa kasamtagan wala pa maka-avail ang mga membro sa Government Service Insurance System (GSIS) sa ilang calamity loan program human gideklara ang dakbayan sa Cagayan de Oro nga ubos sa kalamidad.


Kini agig reaction sa special report ni konsehal George Goking nga nagpahibalo nga ang Social Security Systems nagtanyag na og Calamity Loan alang sa mga sakop niining nanimuyo sa Cagayan de Oro.


Matod ni Lao nga nahibulong siya tungod kay sa siyam ka tuig niya sa konseho, sa matag panahon nga adunay mahitabong kalamidad dinhi sa syudad ang mga hintungdang ahensya sa gobyerno motanyag man gilayon sa ilang serbisyo sa tanan nga naapektohan sa katalagman.


Niini, si Lao midugang nga aron dili na mausab siya misugyot nga maimbistigahan kini aron dili na mahitabo pag-usab. (Yonggals)