Dalan dihas brgy Lumbia, Mambuaya masemento

Hayan mahatagan na sa kahamugaway sa ilang pagbyahe sa mga produktong lagutmon ang mga mag-uuma sa barangay Lumbia ug Mambuaya.

Kini human giuyonan sa konseho sa syudad sa sesyon kagahapong adlawa nga gidumala ni bise mayor Kikang Uy ang ordinansa nga naghatag og katungod ni mayor Oscar Moreno pagpirma sa Memorandum of Undertaking (MoU) tali sa Department of Public Works and Highways (DPWH) nga naglangkob sa pagpatuman sa duha ka Farm to Market Road (FMR) Projects.

Lakip niini mao ang pagsemento sa Sitio Baluarte paingon sa Pahiron, barangay Lumbia FMR nga adunay paatbang pundo balor P500 mil ug pagsemento sa Coop Village, barangay Mambuaya FMR balor P500 mil nga paatbang pundo.

Niini, ang konseho sa syudad, sa gipalabang nga ordinansa alang sa maong katuyoan, naggahin og usa ka milyon ka pesos isip 10 porsyentong (10%) counterpart sa nahisgotang proyekto. Ang maong pundo gikuha gikan sa item “Special Program/Projects -Upgrading/Concreting of Farm to Market Road (LGU Equity) sa 2017 Annual Budget sa Agricultural Productivity Office.

Ang ordinansa nga gipalabang sa konseho alang sa maong katuyoan gipaluyohan sa komite sa public works nga gidumala ni konsehal Jay Pascual ug komite sa pamalaod ug reglamento ni konsehal Ian Mark Nacaya.