Hangyo sa Indahag Nat’l High tukion sa Public U

Tukion atol sa tigom sa komite sa public utilities ni konsehal Bong Lao karong alas 10 sa buntag ang hangyo sa konseho sa barangay Indahag ug kadagkoan sa Indahag National High School.

Kini kalabot na sa kakulangon sa sistema sa panubig sa tunghaan.

Mahinumduman nga sa milabayng sesyon sa konseho, si konsehal Ian Mark Nacaya mitaho sa gipadangat nga hangyo sa taga-Indahag kalabot igong supply sa tubig sa barangay ug permanenteng water facilities sa tunghaan sa tinguha nga mapatuman nila ang programa kalabot sa kahindik ug kasanihan sa kabataan.

Niini, gidapit ni Lao nga motambong sa tigom aron paghatag og katin-awan sa maong hangyo si konsehal Nacaya uban nila ni Engr. Rachel Beja sa COWD, acting city administrator Dionnie Gersana, City Engr. Rolando Pacuribot, City Planning Coordinator Engr. Isidro Borja, OBO OIC Arch. Ma, Concepcion Alcantara, kapitan Melitona Patriana sa Indahag ug Maria Christina Ganas, PhD, principal sa Indahag National High School.