Cogon Mkt Day kagahapon malampuson

Mainitong gipahalipayan ni konsehal Ian Mark Nacaya, chairman sa komite sa economic enterprises sa konseho, ang mga opisyales sa Cogon Market Vendors Association (CoMVA) ingon man ang mga mamaligyaay sa merkado sa Cogon sa ilang pagsaulog sa Cogon Market Day kagahapong adlawa.

Kini nga kalihukan tinuig nga gaipahigayon diha sa maong merkado nga gilambigitan sa mga mamagliyaay sa merkado sa lain laing section ug ubang mga stakeholders sa tinguha nga mahatagan sa kahigayunan nga magkahiusa ang tanan sa maong kasaulogan, butyag ni Nacaya.

Sa sinemanang programa sa kahanginan kahagapon nga “Ang Konseho Karon, The Mover of Change and City’s Development”, si Nacaya uban nila ni bise mayor Kikang Uy ug mga kauban sa konseho mipadangat sa ilang pahalipay sa malampuson nga kalihukan ug mipahibalo nga karong adlawa si Mayor Oscar Moreno uban sa iyang basketball team modula kontra sa mga opisyales ug mga piniling mamaligyaay sa merkado.

Siya nanghinaut nga masinati sa tanan ang kasadya sa maong kalihukan dala ang pasalamat sa tanan nga misuporta sa kalampusan niini.