top of page

VM Bebot miaksyon sa reklamo batok junkshop

Giduso ni Bise Mayor Bebot Rodriguez ngadto sa komite sa public order ni Konsehal Romeo Calizo ang reklamo sa usa ka nagpakabanang molopyo sa syudad batok sa operasyon sa usa ka junkshop dinha sa West Kolambog, barangay Lapasan.


Sa reklamo nga nadawat sa bise mayor, giingon nga adunay problema sa kahindik ang operasyon sa junkshop gawas pa sa namatikdang fire hazard ang nahimutangan niini.


Matod pa nga ang maong junkshop dugay nang nag-operate sa dapit ug gani, napalapdan na ang operasyon sa matag kili sa dalan dinha sa Bajas Road.


Gibutyag nga ang junkshop nahimutang duol sa gripo sa tubig nga gasag-oban sa mga residente sa dapit ug posibleng makontaminar ang tubig. Dugang pa, giingon nga adunay baho usab nga naggikan sa junkshop nga posibleng makadaut sa panglawas sa katawhan nga nanimuyo duol sa dapit.


Malaumon si Bise Mayor Rodriguez nga mahatagan sa tukmang pagtagad ug rekomendasyon sa komite ni Calizo ang nahisgutang reklamo.



留言


bottom of page