Tax exempt sa XUCDT aprobado sa konseho

HINIUSANG giuyonan sa konseho atol sa sesyon nga gidumala ni Bise Mayor Bebot Rodriguez ang hangyo sa Xavier University Cultural Dance Troupe (XUCDT), nga girepresentahan ni Project Head Gylla Rose Divine Aranas, nga ma-exempt pagbayad sa amusement tax ang ilang Grand Reunion Concert sa Oktubre 28, 2025 diha sa Xavier University Little Theater.

Ang maong konsyerto kabahin sa pagsaulog sa ilang ika-50 nga anibersaryo sa pagkatukod.

Tumong sa maong konsyerto nga masuportahan ang mga panginahanglanon sa operasyon sa maong dance troupe sa ilang umaabot nga mga proyekto.

Ang maong lakang gipangamahanan ni Bise Mayor Bebot Rodriguez. (RNQ/SP)