Tanang nagsuporta sa Linggo ng Kabataan 2025 sa Carmen, gipasalamatan ni Sacala

DAKO ang pasalamat  ni  City SK Federation President Konsehal Kenneth John Sacala sa tanang nagtabang ug nagsuporta  sa mga kalihokan atol sa kasaulogan sa Linggo ng Kabataan sa Carmen.

Tipik sa mga kalihukan ang gipahigayon mao ang seminar ug outreach programs, eco-fashion show, pasundayag, hisgutanay, spacedrag, sportsfest ug uban pa nga naghatag og lingaw ingon man kasadya sa kabatan-onan sa barangay Carmen.

Matod sa konsehal nga nagmalampuson ang tanan tungod sa  hiniusang paningkamot sa Sangguniang Kabataan sa Carmen, presidente sa CUYOG, school sector, LGBTQIA + community, ug dedikadong pangulo sa kabatan-onan.

Sumala ni Konsehal Sacala nga iyang nakita sa maong kalihokan nga kon ang kabatan-onan magkahiusa, makamugna gayod kini og mas lig-on, mas kusgan ug mas mabulokon nga tingog para sa kabag-ohan. (JRG/SP)