Sub-standard Christmas decors tukion sa mga hintundang komite sa konseho

Gihingusgan ni Konsehal George Christopher Goking, chairman sa komite sa trade and commerce, ang pagmonitor sa naggamit ug nagbaligya sa mga sub-standard electronic Christmas decorations ug sa mga illegal nga pabuto dinhi sa syudad.

Mahinumdoman nga kini ang taho sa konsehal atol sa sesyon sa konseho sa tinguha nga malikayan ang kadaot, sunog, aksidente nga posibleng moresulta sa kamatayon, ug uban pang insidente  panahon sa kapaskohan.

Niini hiniusang magtigom karong alas 9 sa buntag diha sa hawanan sa konseho ang komite sa trade and commerce, economic enterprises ni Konsehal Edgar Cabanlas, consumer protection ni  Konsehal Jonjon Rodriguez ug public order ni Konsehal Roger Abaday.

Gilauman nga motambong sa  tigom ang mga sakop niini nga sila si Konsehal Antuy Pascual, Jing Daba, Kenneth John Sacala, Al Legaspi, Sr., Yvy Emano, Des Dahino, Yan Lam Lim, Gigi Go, Eric Salcedo, Paolo Gaane, Aga Suan, Bise Mayor Bebot Rodriguez, ug mga hintundang hepe sa buhatan sa City Hall, aron makuha ang ilang opinyon alang sa tukmang rekomendasyon. (RNQ/SP)