Suan mitambong sa pagpakayab sa bandila sa Barangay Balulang

“ANG atong panaghigalaay ug maayong relasyon maoy nakapadasig nga akong ibalik ang tinud-anay nga serbisyo kaninyong labing takus nga mga residente dinhi sa Barangay Balulang.”

Kini ang gibutyag ni Konsehal Aga Suan, minority floor leader sa konseho, atol sa senimanang pagpakayab sa bandila sa barangay.

Sa iyang mensahe, si Konsehal Suan miingon nga aduna siyay dakong panglantaw ug pangandoy dili lamang alang sa Barangay Balulang kundili sa kinatibuk-ang dakbayan ug magtinabangay ta alang sa katumanan sa maong mga damgo.

Nagpasalamat ang konsehal  ngadto sa konseho sa Barangay Balulang sa panguna ni Punong Barangay Edwin Micabani ug mga kawani sa ilang mainitong pag-abi-abi kaniya. (RNQ/SP)