top of page

Suan midayeg sa sugyot pagmugna sa Tsada Oro Film Fest


Dalaygon kaayo ang gidusong sugyot ordinansa ni Bise Mayor Bebot Rodriguez sa pagmugna og Tsada Oro Film Academy ug pagpasiugda sa tinuig nga Tsada Oro Film Festival (TOFF) kun Tsada Oro Film Industry sa dakbayan.

Kini ang pamahayag ni Konsehal Aga Suan atol sa milabayng tigom sa komite sa turismo ni Konsehal Jay Pascual.

Gikahingawa ni Suan ang matod pa kakulangon sa suporta ngadto sa mga lokal filmmakers sa syudad dinha sa ilang mga panginahanglanon sa pagmugna og mga pelikula.

Niini, dako ang iyang suporta nga ang maong sugyot ordinansa mapalabang aron mahatagan sa kahigayonan ang mga local filmmakers nga mapasundayag ang ilang namugna nga mga pelikula.

Pinaagi niini madugangan ang kadasig sa mga filmmakers sa paghimo og dugang nga mga makasaysayang pelikula sa dakbayan diin dili lamang maghatag kanila ang dakong kaarangan kun dili lakip usab ang kahigayonan diha sa pagpalambo sa industriya sa turismo sa dakbayan.

bottom of page