SK annual budget sa Barangay 6 giuyonan sa komite ni Sacala

SA tinguha nga maimplementar sa Sangguniang Kabataan sa Barangay No. 6   ang ilang mga programa  alang sa kabatan-onan  karong tuiga, giuyonan sa komite sa sports and youth development atol sa tigom  niadtong Martes nga gidumala ni Konsehal  Kenneth John Sacala ang resolosyon nga may kalabutan sa SK Annual Budget nga mokabat sa P331,107 gikan sa 10% sa general fund sa barangay.

Lakip sa gigahinan sa maong pundo ang maintenance and operating expenses sa ilang buhatan ug mga gastohon  sa pagpatuman sa programa sa panglawas, edukasyon, anti- drug abuse, environment protection/climate change adaptation ug uban pa.

Ang maong SK Budget adunay indorsement gikan ni City Budget Officer Percy Salazar. (JRG/SP)