top of page

SB1 sa Barangay No. 13 giuyunan sa Konseho

HAYAN mapatuman na sa Konseho sa Barangay No. 13 ang ilang mga proyekto pagsemento sa pipila ka dalan sa dapit nga gipundohan ubos sa 20% development fund.

Kini human gisagop sa Konseho sa Syudad, sa sesyon niadtong Miyerkules nga gidumala ni Bise Mayor Bebot Rodriguez, ang resolusyon nga nag-uli sa ordinansa sa barangay diin nasukip ang ilang supplemental budget no. 1 nga mobalor og P1,487,732.00.

Gawas sa gipundohang mga proyekto sa imprastraktura, gipundohan usab sa barangay ang mga galastohon sa operasyon sa Barangay Police, BADAC, pagpalit og mga himan, ug uban pang galastohon alang sa inadlaw-adlaw nga operasyon sa nahabiling bulan sa tuig 2023.


Ang resolusyon nga gisagop sa konseho alang sa maong katuyuan gipaluyuhan sa Komite sa Barangay Affairs ni Konsehal Yan Lam ug Komite sa Pamalaod ni Konsehal Edgar Cabanlas.

コメント


bottom of page