Reklamo batok mga opisyal sa barangay tukion sa dili madugay - Cabanlas

GIPAABOT nga hatagan og pagtagad sa komite sa ethics and blue ribbon ubos ni Konsehal Edgar Cabanlas ang gipasakang reklamo batok sa mga opisyal sa barangay ning syudad.

Naglakip na niini ang reklamo ni Khervan Del Puerto batok ni Barangay Kagawad Jerome Sambaan sa Barangay Bonbon ug Santiago Lim batok ni Barangay Kagawad Pepe Larede sa Barangay Lumbia.

Kini may kalabutan sa mga alegasyon sama sa slight serious physical injuries ug maltreatment ubos sa Article 266 sa Revised Penal code, administrative case of misconduct, abuse of authority, grave misconduct ug conduct unbecoming of a public official.

Niini, malaumon si Konsehal Cabanlas nga makatambong sa umaabot nga tigom ang tanang sakop sa komite sila si  Konsehal Roger Abaday, Jonjon Rodriguez, Jing Daba, Aga Suan ug Bise Mayor Bebot Rodriguez. (RNQ/SP)