PNP, BFP control center matukod dihas Balulang

GILANTAW nga matukod dinha sa barangay Balulang ang Control Center sa Philippine National Police (PNP) ug Bureau of Fire Protection (BFP).

Kini human gidawat sa konseho sa syudad ubos ni Bise Mayor Bebot Rodriguez ang gidonar sa A Brown Company, Inc. nga 700 metros kwadrado nga lote dinha sa barangay Balulang aron magamit alang sa maong proyekto.

Sa ordinansa nga gipalabang sa konseho alang sa maong katuyuan, gihatagan usab sa katungod si Mayor Klarex Uy pagpirma sa gikinahanglang Deed of Donation pabor sa kagamhanan sa dakbayan ubos sa mga nakalatid nga kondisyon.

Niini, dako ang pasalamat ni Bise Mayor Bebot Rodriguez sa padayong pag-abag sa mga pribadong kompanya dinha sa tinguha sa kagamhanan nga mapaabot ang tiunay nga serbisyo ngadto sa katawhan.