Patas nga paghusay sa kaso batok Konsehal Tabac gipasalig ni Cabanlas

GILANTAW ang patas nga paghusay sa reklamo nila ni Ludivino Dayondon ug Christine Olarvida batok ni Konsehal Marlo Tabac ug Barangay Gusa Treasurer Marie Frances Abanes.

Kini human ang komite sa ethics ug blue ribbon ubos ni Konsehal Edgar Cabanlas mitahas kang Konsehal Tabac sa pagsumite sa iyang tubag sulod sa 30 ka adlaw sa mga alegasyon batok kaniya sama sa culpable violation of the local government code, dishonesty, gross negligence, dereliction of duty, grave misconduct ug abuse of discretion and authority.

Si Konsehal Roger Abaday naglaum nga mahusay unta diha sa barangay level ug dili na moabot sa korte ang maong butang.

Ang maong tigom gitambongan usab nila ni Konsehal Aga Suan ug Imee Moreno. (RNQuiblat/SP)