top of page

Pagtukod og drainage system prioridad sa Macasandig

HAYAN maminusan na ang pagbaha diha sa Barangay Macasandig, ning syudad.


Kini human ang konseho sa syudad sa sesyon kagahapon nga gidumala ni Bise Mayor Jocelyn Rodriguez misagop sa resolusyon nga nag-uli sa ordinansa sa barangay diin nsaukip ang ilang Annual Budget nga adunay gibanabanang kinitaan ug galastohon balor P26,109,275.00.


Nag-unang gigahinan sa barangay sa maong budget ang proyekto pagtukod og drainage system dihas Siao Compound, Buena Oro, Block 1, Lupiba, Bacarro, Elena Homes, Cabungan Area, Jun Jaramillo, Padenio Area ug Promise Land.

Gipunduhan usab sa barangay ang proyekto pag-atop sa ilang gymnasium, pagtabon sa kanal sa Ormillada Compound, pagsemento sa hagdanan sa Oro Heaven, pagtukod og open canal diha sa Block 10, Buena Oro, pagtukod og pathway sa Sta. Cruz Tibasak, Promise Land (Dimaano Area) ug Promise Land (Esiais Area), pagpalit og usa ka unit nga backhoe ug paghinlo sa mga kanal sa tibook barangay.


Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs ni Konsehal Yan Lam S. Lim ug komite sa pamalaod ni Konsehal Edgar Cabanlas.



Σχόλια


bottom of page