top of page

Pagpalapad sa pantalan dihas Macabalan gilantaw



HAYAN masugdan na sa kadagkuan sa Philippine Ports Authority (PPA) nga girepsesentahan ni Engr. Isidro Butaslac, Port Manager, ang ilang proyekto pagpalapad sa Cagayan de Oro Port diha sa barangay Macabalan.


Kini human gisuportahan sa komite sa Public Utilities (Roads and Traffic Management) ni Konsehal Romeo Calizo ang resolosyon nga nagpadayag sa dakong pag-uyon sa kagamhanan sa dakbayan ubos ni Mayor Rolando Klarex Uy alang sa pagpatuman sa proyekto.


Sa milabayng tigom sa komite, si Calizo mipadayag sa iyang dakong pagtuo nga pinaagi sa maong proyekto mas daghan pang katawhan ang masilbihan diha sa pantalan.


Niini, giduso ni Calizo ngadto sa komite sa pamalaod ni Konsehal Edgar Cabanlas ang sugyot resolusyon alang sa maong katuyuan para sa dugang pagtuon ug konsiderasyon.

Comentarios


bottom of page