top of page

Pagpalapad sa marine protection program sa CDO, MisOr gilantaw


Magtigom karong alas 2:00 sa hapon diha sa hawanan sa konseho ang komite sa environment and natural resources ni Konsehal Roger Abaday.

Tukion sa tigom ang sugyot ordinansa nga maghatag og katungod ni Mayor Klarex Uy pagpirma sa Memorandum of Partnership Agreement (MOPA) tali sa kagamhanannsa dakbayan, Deparment of Environment and Natural Resources (DENR-10) ug probinsya sa Misamis Oriental.

Sa maong kasabutan, ang mga partido magtambayayong diha sa pagproteher sa marine wealth ilabina sa territorial sea ug exclusive economic zone nga nasakop sa dakbayan ug sa probinsya aron mapreserbar ug mapahimuslan sa mga Filipino.

Dugang pa, ang tanang partido magkauyon alang sa panagtambayayong dinha sa pagdumala sa foreshore areas sa Misamis Oriental ug Cagayan de Oro ug mopatuman sa management ug development program nga nakalatid sa Foreshore Management and Development Plan.

Gipaabot motambong sa tigom aron paghatag sa ilang panahom sila si Konsehal John Michael Seno, Maria Malou Gaane, Yan Lam Lim ug Romeo Calizo. (JRGalano/SP)

Comentarios


bottom of page