top of page

Pagmuna’g posisyon alang sa IPMR gisuportahan ni Calizo


GISUPORTAHAN ni Konsehal Romeo Calizo, Chairman sa Komite sa Public Order, ang pagmugnag posisyon diha sa plantilla sa buhatan sa konseho alang sa representante sa Indigenous People (IP) sa dakbayan.




 

Sa sesyon niatong Lunes nga gidumala ni Bise Mayor Bebot Rodgriguez, ilang gipalabang ang ordinansa   nga nagmugna diha sa plantilla sa konseho sa posisyon nga Indigenous People Mandatory Representative (IPMR) isip ex-officio member o’ sectoral representative.

 

Sumala ni Konsehal Edgar Cabanlas, Majority Floor Leader, nga nahilatid kini sa balaod gawas nga girepresentahan ug gisuportahan usab kini sa Regional Director sa NCIP ug ni City Department of Interior and Local Government (DILG) Director Engr. Jane Docallos kinsa usa sa nangusog nga kini maaprobahan tungod kay usa kini sa basihan aron makabaton sa Seal of Good Local Governance ang dakbayan.

 

Si Konsehal Calizo mipasabot nga gisuportahan niya ang maong lakang tungod kay nahilatid man kini sa balaod.

Comments


bottom of page