Pagmulta sa mga delingkwente sa merkado gisugyot ni Cabanlas

“We will be imposing penalties, we will be filing cases, we will be removing delinquent stall owners kung dili sila motuman sa ilang obligasyon sa pagbayad sa insakto nilang balayronon kay kining atong mga merkado sa dakbayan usa kini sa pinakabarato kung imong rentahan”.

Kini ang hugot nga ipatuman karong tuiga  ni Konsehal Edgar Cabanlas, chairman sa City Economic Enterprises and Business Development Administration (CEEBDA) human gipresentar sa konsehal ang CEEBDA consolidated accomplishment report atol sa sesyon niadtong Lunes nga gidumala ni Bise Mayor Bebot Rodriguez.

Matod ni Cabanlas nga ang kinatibuk-ang koleksyon sulod sa siyam (9) ka bulan gikan Hunyo hangtod Setyembre 2025 mikabat og P81,087,682.59, kun 2.13% ang pagtubo kompara sa miaging tuig nga balor lamang og P79,397,780.47.

Sa iyang pagsugod isip tigdumala sa CEEBDA, iyang gihigpitan ang pagpatuman ug pagmonitor sa obligasyon sa pag-abang ug gipalig-on ang koordinasyon sa mga operasyon sa merkado ug magfocus sa koleksyon, kay nasayran sa konsehal nga adunay problema sa koleksyon ug pipila nga mga delingkwente.

Gikalipay ni Cabanlas nga adunay P1,006, 520.00  kun 23.20 % nga pagsaka sa koleksyon sa Kagay-an Lawndale ubos sa pagmando sa mga kawani sa istriktong pagmonitor sa mga bayranan sulod sa resort.

Kon kita seryoso sa pagtabang sa siyudad, sa pagtugot sa tukma nga buhis ug pagpahamtang sa husto nga collectibles, abang ug uban pa, madugangan ang kita sa tanan nga mga merkado publiko sa dakbayan.

Sa talagsaong performance karon sa kamerkadohan, iyang gisugyot ang paghatag og insentibo alang niadtong makakolekta sa pinaka dako nga koleksyon kay aron mosaka pa gyud ang koleksyon, kay sa pagkakaron aduna pay dako ang mga collectible.

Niini kusganong gipadayag sa konsehal nga sugod karong tuiga, pahamtangan gyod og multa ang dili motuman sa ilang mga obligasyon o balayronon. (RNQ/SP)