top of page

Pagmugna og IRR gisugyot ni Konsehal Calizo

GISUGYOT ni Konsehal Romeo Calizo, Chairman sa Komite sa Public Utilities, ang pagmugna   og Implementing Rules and Regulation (IRR) alang sa mga benepisyo  nga itanyag  sa mga beterano.


CdeO City Councilor Romeo V. Calizo

Kini human ang konseho sa sesyon niadtong Martes nga gidumala ni Bise Mayor Bebot Rodriguez mipalabang og ordinansa nga naghatag panugot ni Mayor Rolando Uy pagpirma  sa Memorandum of Agreement (MOA) tali sa Philippine Veteran Affairs Office nga girepresentahan sa ilang administrator Usec Reynaldo B. Mapagu kabahin sa extension sa hospitalisasyon ug medical care  and benefits sa mga beterano ingon man sa ilang mga benepisaryo.


Gipasabot  sa konsehal nga  segun sa kasinatian  sa mga beterano sa kasamtangan, galisod sila og facilitate sa serbisyo nga  ilang gai-avail gikan sa lokal nga kagamhanan hinungdan nga buot niyang mabuhatan kini og IRR aron masayud ang mga personahe sa ilang trabaho sa ingon mapadali ang   pagtunol  sa serbisyo ngadto kanila.


Ang maong sugyot ni Konsehal Calizo giduso ni Bise Mayor Bebot Rodriguez ngadto  sa Komite sa Social Services ubos ni Konsehal Girlie Balaba alang sa dugang pagtuon ug aksyon.

Opmerkingen


bottom of page