Paghatag og garbage truck sa mga barangay gisugyot ni Kon. Rodriguez

SUPORTADO ni Konsehal Maximo Rodriguez III ang lakang pagsulbad sa isyu sa solid waste management sa dakbayan.

Kini human gituki kagahapon atol sa tigom sa komite sa environment nga gidumala ni  Konsehal Enrico Salcedo ang mga sugyot nga gipaabot ni Ed Lapiz sa tumong nga masolbad ang problema sa basura.

Sumala sa konsehal nga  kabalo  siya sa sentemento sa mga kapitan.

“Gusto nila limpyo ang ilang barangay, gusto nila permi naa ang garbage truck gikan sa  syudad,” matod sa Konsehal.

Gipasabot ni Rodriguez nga adunay budget ang barangay, apan gamay lang, gawas sa dagkong barangay nga dako pod sila’g budget.

Apan kon pabor ang komite sa pagpanday og ordinansa uban ang tabang sa Association of Barangay Councils ubos ni Konsehal Marlo Tabac ug iyang mga kauban sa konseho, tungod ug alang sa panaghiusa, mahimong tagaan og sakyanan ang kabarangayan apil na ang fuel ug maintenance niini sa tuyo nga maminusan ang problema sa basura, pahayag ni Konsehal Rodriguez. (JRG/SP)