P300M gigahin pagtukod sa septage treatment plant

GIPALAPDAN ang kampanya pagproteher sa kinaiyahan sa dakbayan sa Cagayan de Oro.

Kini human ang Konseho sa Syudad sa sesyon niadtong Lunes nga gidumala ni Bise Mayor Bebot Rodriguez nisagop sa Resolusyon No. 15758-2026 nga nag-aprobar sa 2026 Supplemental Annual Investment Program (SAIP) No. 2 diin nasukip ang P300 milyones alang sa pag-estabilisar sa septage treatment plant.

Ang maong treatment plant aprobado  sa City Development Council subay sa nasudnong environmental ug sanitation standards nga nagtinguhang palamboon ang kalidad sa tubig, pagpatunhay sa kinaiyahan, ug panglawas sa publiko.

Lakip usab nga gipundohan sa maong programa ang pagtukod og niches ug columbarium alang sa barato ug organisadong kapilian sa pagpalubong sa mga minatay ubos sa General Fund. (RNQ/SP)