Ordinansa sa Macabalan tukion sa komite sa barangay affairs

GIPAABOT nga konsiderahon  sa komite sa barangay affairs  sa Konseho ubos  ni Konsehal Marlo Tabac ang  ordinansa nga gipalabang sa Konseho sa Barangay Macabalan nga mag-regulate sa polusyon sa kasaba sulod sa ilang barangay.

Kini human giduso ni Bise Mayor Bebot Rodriguez ngadto sa maong komite ang Ordinance No. 09-2026 kon Barangay Macabalan Noise Pollution Control Ordinance of 2026 alang sa dugang pagtuon ug tukmang aksyon.

Ang ordinansa nagtumong sa pagpalambo sa kahimsog, kaluwasan, kaharuhay, kasayon, ug kinatibuk-ang kaayohan sa mga lumulupyo pinaagi sa pag-regulate sa sobra ug wala kinahanglana nga kasaba nga makatugaw sa kalinaw sa komunidad.Giila sa barangay nga ang sobrang kasaba gikan sa karaoke machines, loud speakers, loud music ug giusab nga mga muffler nga makabalda sa pagtuon sa mga tinun-an, sa pagkatulog, sa kalinaw ug makapadaot sa kalidad sa kinabuhi sa mga residente niini. (RNQ/SP)