Konseho misuporta sa lakang paghatag prayoridad mga hamtong, PWDs, ubnp panahon sa piliay

Hugot nga gisuportahan sa Konseho sa Syudad ubos ni Bise Mayor Bebot Rodriguez ang lakang nga mahatagan sa prioridad ang mga kwalipikadong hamtong, persons with disabilities (PWDs), lawyers, ug mga nalambigit sa natad sa panglawas atol sa nasudnon ug lokal nga piliay.

Sa sesyon niadtong Lunes, hiniusang gisagop ang Resolosyon No. 14671-2023 nga nagpadayag og suporta sa House Bill No. 7576 aron mahatagan sa prayoridad ang mga nahisgotang botante nga makabotar panahon sa piliay.

Ang maong balaodnon, giduso ni Kongresman Rufus Rodriguez sa ikaduhang distrito sa dakbayan, gitumong sa paghatag og kasayon pinaagi sa paghatag og kahigayonan nga sayong makabotar.

Lakip sa gisugyot nga sayong makabotar ang mga abogado, doctor, ug uban pang health workers nga adunay mga tahas nga gisangon panahon sa piliay.

Ang resolosyon nga gipasaka alang sa maong katuyuan gipangamahanan ni Bise Mayor Bebot Rodriguez.