Namalata, Gonzales gikompirmang hepe sa CGSO, Agri Productivity Office

GIKOMPIRMA na sa konseho sa syudad ubos ni Bise Mayor Bebot Rodriguez ang katudloan sa mga hepe sa duha ka departamento sa City Hall.

Kini human ang konseho sa sesyon niadtong Lunes misagop sa resolosyon nga nagkompirma nila ni Atty. Jeoffrey D. Namalata isip City General Services Officer ug Paterno L. Gonzales, Jr. isip City Agriculturist.

Sila si Namalata ug Gonzales magsilbing hepe sa buhatan sa City General Services Office ug Agricultural Productivity Office.

Niini, si Bise Mayor Bebot Rodriguez malaumon nga sa katudloan sa mga bag-ong hepe mapalapdan pa ang pagserbisyo sa katawhan.