top of page

MoU pagmugna og CDO-ICRDC giuyonan sa konseho


HINIUSANG giuyonan sa konseho sa sesyon niadtong Lunes nga gidumala ni Bise Mayor Bebot Rodriguez ang ordinansa nga naghatag og katungod ni Mayor Klarex Uy sa pagpirma sa Memorandum of Understanding (MoU) tali sa kagamhanan sa dakbayan ug sa Filipino Coffee Management, Inc.



Kini kabahin sa kolaborasyon alang sa pagmugna ug pagpalambo sa Cagayan de Oro International Coffee Research and Development Center (CDO-ICRDC).


Tumong sa maong MoU ang pagtukod og world-class ug high-standard coffee research and development institute dinhi sa syudad.


Nasayran nga ang Filipino Coffee Management, Inc. mao ang kompanya nga nagtutok sa pagpalambo sa industriya sa kape dinhi sa Pilipinas ug sila andam nga magpaambit sa ilang kahibalo ug kahanas dinhi sa syudad.  


Ang maong kolaborasyon paga-unhan sa buhatan sa Cagayan de Oro Trade and Investment Promotions Center (Oro TIPC), City Management Information System and Innovation Department (CMISID), City Agriculture Office ug sa City College of Cagayan de Oro.

Comments


bottom of page