top of page

Mga programa, proyekto sa SK sa Brgy 19, Balubal mapatuman

MAPATUMAN na sa hingpit sa mga opisyal sa Sangguniang Kabataan sa duha ka barangay sa syudad ang ilang mga programa ug proyekto nga gilantaw’ng maghatag og dugang kaarangan sa sektor sa kabatan-onan. Kini human ang konseho sa syudad sa sesyon kagahapon nga gidumala ni Presiding Officer Protempore Konsehal Romeo Calizo misagop sa duha ka resolosyon nga nag-uli sa tagsa tagsa ka resolosyon sa Barangay 19 ug Balubal diin nasukip ang ilang 2023 SK Annual Budget. Ang budget sa Barangay 19 adunay gibanabanang kinitaan ug galastohon balor P583,487.00 samtang mokabat usab sa P912,732.00 ang gigahin nga budget sa Barangay Balubal.

Niini, gilaraw nga gamiton ang pundo dinha sa pagpatuman sa mga programa ug proyekto nga gihatagan og prayoridad karong tuiga subay sa probisyon sa RA 10742 kon Sangguniang Kabataan Reform Act of 2015. Tipik sa gihatagan og prioridad mao ang mga programa pagproteher sa kinaiyahan, kampanya kontra droga, youth employment and livelihood, active citizenship ug pagpamalit sa gamit alang sa paugnat sa kusog ug uban pang proyekto nga makapadasig sa kabatan-onan diha sa pagkab-ot sa dugang kaarangan ug kalamboan sa ilang tagsa-tagsa ka mga dapit. Si Konsehal John Michael Seno, chairman sa komite sa sports and youth development, ug usa sa nagpaluyo sa gipasakang resolusyon, mipadayag sa iyang suporta sa maong lakang human nakita nga nasubay kini sa balaod ug dako ang ikatabang alang sa kaarangan ug kalamboan sa mga kabatan-onan.


Ang mga resolusyon nga gipalabang sa konseho alang sa maong katuyoan gipaluyohan usab sa komite sa pamalaod ni Konsehal Edgar Cabanlas.



Comentários


bottom of page