top of page

Mga poste sa suga kinahanglan ilakip sa pagsusi -Balaba

PABORABLENG gisuportahan ni Konsehal Joyleen Mercedes Balaba, chairman sa komite sa Social Services, ang sugyot nga susihon ang kalig-on sa tanang proyekto sa imprastraktura labina ang mga tulay sa syudad.

Kini ang gipaabot sa konsehal agig reaksyon sa special report ni Konsehal Edna Dahino sa sesyon niadtong Lunes nga gidumala ni Bise Mayor Kikang Uy sa sugyot niining masusi ang pundasyon sa mga tulay human mihapak ang bagyong Odette sa nasud.

Sa susamang higayon gisugyot usab ni Konsehal Balaba nga ilakip sa pagsusi ang mga poste sa suga sa syudad aron maseguro nga hayag ang mga kadalanan.

Mahinungdanon nga hayag ang mga kadalanan sa syudad aron maproteksyonan ang katawhan labina sa mga hilit nga lugar, pamahayag ni konsehal Balaba.


bottom of page