Mga malahutayong plano para sa kalamboansa dakbayan, hingusgan ni Konsehal Rodriguez

LABING palapdan sa komite sa planning, research and innovation and people’s organization ubos sa bag-ong chairman Konsehal Maximo Rodriguez III ang pagpahigayon og pagtuon ug pagmugnag  mga lakang  nga may kalabutan sa pagplano sa dakbayan alang sa zoning, klasifikasyon sa yuta, land use and management, urban community development, development and advancement of science and technology, scientific and technological research, ug uban pa.

Apil usab sa tahas sa komite ni Rodriguez ang paghatag pagtagad sa mga  butang mahitungod sa strategic planning, research and innovation alang sa malahutayon nga pagtubo sa ekonomiya ug social development ingon man pagtuki sa aplikasyon sa mga civil society organization ug people’s organization nga buot magpa-akredit isip miyembro  sa Local Special Bodies sa syudad.

Maoy gitudlong vice chairman sa komite si Konsehal Kenneth John Sacala, samtang sila si Edgar Cabanlas, Enrico Salcedo ug Desiree Ann Dahino maoy mga sakop niini. (JRG/SP)