Lakang madugangan benepisyosa mga hamtong padayong gitun-an

KUNG gusto daghan og pamaagi apan kun dili daghan usab ang rason.

Mao kini ang gibutyag ni Konsehal Roger Abaday atol sa milabayng tigom sa komite sa senior citizens human gituki ang sugyot ordinansa ni Konsehal Bernie Esparcia nga maghatag og tag-P5 mil nga medical vouchers assistance ngadto sa mga sa hamtong nga makasaulog sa ilang ika-70 ka tuig sa adlawng natawhan.

Matod ni Abaday nga ang ubang syudad sa kauluhan sama sa Makati ug Quezon City nakagahum pagtanyag sa susamang mga benefisyo ngadto sa ilang mga hamtong.

Kun mahimo nila mahimo usab kini nato dinhi sa dakbayan sa Cagayan de Oro, dugang sa konsehal.

Niini, siya namahayag nga dalaygon kaayo ang maong balaodnon ug iyang gipasalig nga magpadayon ang komite nga maningkamot nga maalagaran ang mga hamtong ilabina nga dako kaayo ang ilang kontribusyon sa kalamboan ug kaugmaran sa syudad. (SP/JRGalano)