top of page

Konsehal Seno misugyot sa hingpit nga pag-implementar sa PACD

MISUGYOT si Konsehal John Michael Seno, chairman sa komite sa public works, nga mabutangan gyud og Public Assistance and Complaint Desk ang Animal Bite Centers sa syudad.


Kini ang gipaabot sa Konsehal atol sa gipahigayong 2024 Budget Hearing didto sa Mallberry Suites Hotel niadtong Martes nga gidumala ni Bise Mayor Bebot Rodriguez human niya nadawat ang reklamo nga adunay napaakan sa iro nga giingong gipasa pasa lang.

Gisaysay ni Seno nga adunay insidente nga niadto sa City Health Office ang hintungdan apan gipaadto kini sa Carmen, apan sa dihang nasayran nga taga Distrito 1 gipabalik kini sa CHO, butang nga gikahingawa ni Seno.

Hinoon, gipasabot ni City health Officer Dra. Rithcelle Della nga tanan nga mobisita sa ilang buhatan ilang gihatagan og igong pagtagad apan mitin-aw nga “first come first served” gyud kini tungod sayu palang daghan nang galinya aron mag-avail sa serbisyo.


Si Konsehal Seno nanghinaot nga maimplementar gayud sa hingpit ang public assistance and complaint desk aron adunay makapasabot ug makagiya sa katawhan diha sa ilang pagabuhaton.

Комментарии


bottom of page