Konsehal Esparcia nadismaya sa finding sa COA

SUPORTADO ni Konsehal Bernie Esparcia, chairman sa Komite sa Climate Change, ang gihimong pakisayod ni Konsehal Edgar Cabanlas sa sesyon niadtong Lunes nga gidumala ni Bise Mayor Bebot Rodriguez, mahitungod sa 37 ka mga proyektong infrastraktura nga giingong wala makompleto sa gitakdang panahon segun sa giluwatang audit report sa Commission on Audit (COA).

Matod sa Konsehal nga isip bag-ong magbabalaod, nalipay siya nga nahisgutan kini tungod kay gusto usab siya masayod sa hustong proseso. Matod sa Konsehal nga sa maong report iyang nakita nga adunay mga proyekto nga dili mao ang anaa sa litrato o’ wala magtugma sa aktwal nga natrabaho na, butang nga iyang gikatingala.

Hinoon, gipasabot ni Konsehal Esparcia nga wala hinooy gitudlo kon kinsay sad-an niini apan nagpalasamat siya nga gidala kini sa konseho dalaang panghinaot ngamahatagan kini sa igong pagtagad sa mga hintungdang mga komite.