Konsehal Cabanlas nag apod-apod ug ayuda ngadto sa mga kabus

UBAY-UBAY sa mga kabus sa syudad ang nakapahimulos sa ayuda nga gitunol ni Kagawad Edgar Cabanlas, chairman sa komite sa Urban and Rural Poor and Housing Development.

Si Atty. Melanie Cabanlas anak ni kagawad Cabanlas maoy personal ug nangulo sa pagpang hatag sa mga food packs ngadto sa mga pobre nga hot-ong sa katilingban nga nag lakip sa mga trisikad drivers ug ang mga kabus sa kadaplinan.

Nasayran nga upat ka barangay sa syudad ang unang nabisitahan sa "Team Cabanlas nga gilangkuban sa barangay Agusan, Puerto, Gusa ug Consolacion diin ubay-ubay sa katawhan ang nakadawat sa maong ayuda.

Si Cabanlas mibutyag nga ginagmay lang ang iyang magahum apan kinasing-kasing ang iyang pagtabang sa mga tawo nga labaw’ng nanginahanglan niining kalisod nga nasinati karon sa tanan tungod sa pandemya.