top of page

Kon. Judith suportado ang carbon emission policy

SUPORTADO ni Konsehal James Judith ang panawagan ni Konsehal Malvern Esparcia kabahin sa pagpadayag sa sentimento palisiya sa goberno kabahin sa zero carbon emission.


Kini ang gipaambit nga pamahayag ni Konsehal Judith agig reaksyon sa taho ni Konsehal Esparcia sa sesyon niadtong Lunes nga gidumala ni Bise Mayor Bebot Rodriguez bahin sa isyu sa kinaiyahan.

Cagayan de Oro City Councilor James K. Judith II

Gitataw sa konsehal nga ang maong resolusyon nga ipakanaog sa konseho dili pasabot nga mabugkos  na kita kun unsa man gani ang nasabotan sa atong goberno, gani magbase gihapon kita sa unsang nasudnong pamalaod nga ipakanaog sa kongreso kabahin sa carbon emission policy, sumpay ni Judith


Pabor usab si Judith sa tinguha nga mohimo sa makuting pagtoon kalabot niini nga hisgutanan sa katuyoan nga mahiusa ang mga maayong tumong.


Nunot niini, giduso ni Bise Mayor Bebot Rodriguez sa Komite sa Climate Change ni Konsehal Malvern Esparcia ang maong isyu alang sa dugang pagtoon ug rekomendasyon.

Bình luận


bottom of page