Kom sa blue ribbon magtigom sa Huwebes

Magtigom karong Huwebes sa alas 2:00 sa hapon ang komite sa ethics and blue ribbon ubos ni Konsehal Edgar Cabanlas aron tukion ang reklamo nila ni Ludivino Dayondon ug Christine Olarvida batok ni Konsehal Marlo Tabac ug Barangay Gusa Treasurer Marie Frances Abanes.

Kini human nadawat sa komite ang tubag o’ counter affidavit ni Konsehal Tabac sa  mga alegasyon batok kaniya sama sa culpable violation of the Local Government Code, dishonesty, gross negligence, dereliction of duty, grave misconduct ug abuse of discretion and authority.

Lakip usab nga tukion sa komite ang reklamo ni Kherven del Puerto batok ni Barangay Kagawad Jerome Sambaan sa Barangay Bonbon ug  ang reklamo ni Santiago Lim batok ni Barangay Kagawad Pepe Larede sa Barangay Lumbia.

Gipaabot nga motambong sa  tigom ang mga sakop niini nga sila si Konsehal Roger Abaday, Jonjon Rodriguez, Jing Daba, IV, Al Legaspi, Jr., Kenneth John Sacala, Aga Suan, ug Bise Mayor Bebot Rodriguez. (RNQ/SP)